17 dic. 2019

ÚLTIMAS SESIÓNS DOS CLUBS DE LECTURA DO 2.019 E PRÓXIMAS REUNIÓNS


Na última semana de novembro celebramos as derradeiras sesións dos Clubs de Lectura deste ano.
Rematamos co CL1,  no que os rapaces e rapazas de 1º e 2º de ESO puideron ler poemas de Loreto Sesma, unha carta dela a Defreds e posts en instagram con contido poético da autora.
Falamos dos seus poemas e da evolución de Sesma, así coma do feito de ter publicado primeiro nas redes sociais, dándose a coñecer deste xeito ao público.

Regresaremos en xaneiro con novas sesións dos Clubs de Lectura nos recreos:

O xoves 16 de xaneiro, o CL2 (Club de Lectura en Lingua Castelá e Galego para 3º e 4º de ESO, BAC e FP) participará  nun obradoiro de Haikus a cargo de Francisca García.

O venres 17 de xaneiro, o CL3 (Reading Club para 1º e 2º de ESO) continuará a lectura de poemas de Shel Silverstein, coa colaboración de Rachel Haring.

Resultado de imagen de HAIKUS


Resultado de imagen de shel silverstein christmas








Moi boas vacacións a todos e a todas e que o regreso sexa cheo de ganas de seguir lendo!

                                                           FELIZ NADAL!

24 nov. 2019

NOVAS REUNIÓNS DOS CLUBS DE LECTURA: LORETO SESMA E SHEL SILVERSTEIN

O xoves 21 de novembro tivemos no recreo a reunión do Club de Lectura CL3. Falamos sobre a poesía de autores novos e , en concreto, sobre Loreto Sesma, unha autora que se deu a coñecer polas redes sociais.
Tivemos a oportunidade de ler e comentar algunas das súas poesías e publicacións en instagram, así coma unha carta a outro novo autor, Defreds.
Tamén aproveitamos que o luns 25 se celebra a conmemoración do Día Internacional da Eliminación daViolenza contra as Mulleres para ler algún dos poemas de Loreto Sesma máis reivindicativos.










Ademáis, o venres 22 tivo lugar a segunda reunión do CL3, Reading Club, sobre o autor Shel Silverstein. Seguimos a ler os seus poemas cheos de humor e ironía, con moi boa aceptación por parte dos rapaces e rapazas asistentes, e coa ventaxa engadida de pasar un rato divertido falando en inglés coa nosa auxiliar de linguas Rachel.



















22 nov. 2019

CLUB DE LECTURA: MARIO BENEDETTI E RUPI KAUR

As reunións do Club de Lectura da semana pasada tiveron como protagonistas, por unha banda,  a Mario Benedetti, no Club en Lingua Castelá do xoves para 1º e 2º de ESO  e, por outra parte, no Reading Club do venres para 3º e 4º de ESO, Bacharelato e FP, a Rupi Kaur.
Seguimos coa poesía, con moita participación por parte do alumnado e tamén con profesorado que se anima a involucrarse nestas actividades.







Agradecemos a colaboración de Francisca e África, tanto por participar no Club de Lectura como polas fotos. 

11 nov. 2019

CLUB DE LECTURA EN INGLÉS: SHEL SILVERSTEIN


O venres 8 tivemos a primeira reunión do CL3: Club de Lectura en Inglés para 1º e 2º de ESO.
Rachel, a  nosa auxiliar de lingua estranxeira, presentounos a obra de Shel Silverstein.
Os rapaces leron algúns dos seus poemas e os comentamos.




PRIMEIRAS REUNIÓNS DO CLUB DE LECTURA

Comenzamos a nova andadura do noso Club de Lectura coas primeiras reunións:

O xoves 24 no recreo tivemos a primeira reunión do CL1: Club de Lectura en Galego con alumnos de 1º e 2º de ESO. Fixemos lectura de poemas de Poetízate, de Fran Alonso.





E o venres 25 tivemos a primeira reunión do CL4: Club de Lectura en Inglés para 3º e 4º de ESO, Bacharelato e FP.
Seguindo coa poesía, falamos de Rupi Kaur: a súa obra e a curiosa maneira na que se deu a coñecer. Ademáis, limos algúns dos seus poemas.




30 oct. 2019

PRESENTACIÓN CLUB DE LECTURA 19-20

O pasado 17 de outubro presentamos o Club de Lectura para este curso 19-20.
Este ano temos catro Clubs xa que moitos alumnos se apuntaron á actividade:

CL1: Club de Lectura en Galego e Castelán para alumnos/as de 1º e 2º de ESO.
CL2: Club de Lectura en Galego e Castelán para 3º e 4º de ESO e Bacharelato.
CL3: Reading Club para 1º e 2º de ESO.
CL4: Reading Club para 3º e 4º de ESO e Bacharelato.

As reunións terán lugar na biblioteca, nos recreos dos xoves para os Clubs en Galego e Castelán e nos recreos dos venres para os Clubs en Inglés. Temos os calendarios no taboleiro da entrada da biblioteca.

Temos a sorte de contar coa colaboración de África, Francisca e Rachel, ademáis de outros profesores/as que participarán nas reunións.








Aínda estades a tempo de tomar parte nesta aventura! Só tedes que pasar pola biblioteca e probar.


21 jun. 2019

Vídeo de Asturias

Como peche de curso compartimos o vídeo completo da viaxe cultural a Asturias, elaborado por Antonio García Jáñez a partir das súas fotos e vídeos e as de moitos participantes (entre eles,as do outro constante fotógrafo: Roberto Varela). Xa contaramos e puxeramos imaxes desta viaxePero parece que non a podemos dar por concluida ata ter o vídeo que recolle todos os magníficos momentos vividos. 

Velaquí está:




Así, pois, logo do emotivo festival de hoxe no Centro cívico, só queda recoller as notas o próximo mércores e gozar do verán que temos por diante!

18 jun. 2019

Suxestións para un verán lector

Para este verán que xa vai asomando a cabeza, xunto co tempo para o ocio e a desconexión, desde Biblio Lugrís suxerímosvos algunhas lecturas e películas:


Podedes velas neste enlace de genially




17 jun. 2019

Premios Cartas a Antonio Fraguas

Xa temos os nomes das persoas premiadas no Concurso de "Cartas a Antonio Fraguas". 

Son as seguintes: 

1º nivel (1º - 2º - 3º ESO, FPB)

- 1º premio: Mateo Naveira Guimarey (2º ESO B)
- 2º premio: Noa Álvarez Rodríguez (2º ESO A)


2º nivel ( 4º ESO- Bacharelatos, Ciclos)

- 1º premio: Santiago Millet García  (1º Bach)
- 2º premio: Miguel Pérez Redondo (1º Bach)

Noraboa!!!

Entregaremos premios e diplomas o venres 21 de xuño, na festa de fin de curso.


E a continuación deixámosvos as cartas premiadas

10 jun. 2019

Enquisa para a avaliación da biblioteca (2018-19)



Como en cursos anteriores, gustaríanos coñecer a túa opinión sobre o funcionamento de Biblio Lugrís para seguir mellorando. Pedímosche que nos axudes a facer a valoración do grao de satisfacción no uso da biblioteca así como que realices as suxestións que queiras.  Agradeceríamos moito que o maior número de usuarios e usuarias do instituto nos désedes a vosa opinión. Queremos recabar opinións de toda a comunidade escolar: alumnado sobre todo, pero tamén profesorado, persoal non docente e nais e pais. 

Cantas máis ideas e opinións, máis fácil será mellorar o servizo prestado.



Pincha aquí para responder

Grazas de parte do equipo de biblioteca!!!


15 may. 2019

Película Los Bando

Deixamos aquí o resumo da película Los Bando, realizada por Carolina Roel (2º ESO). É unha das películas que o alumnado viu  no Festival de cine xuvenil europeo.


Esta película foi creada en Noruega o 16 de febreiro de 2018.

Os protagonistas principais da película son Aksel e Grim dous rapaces que logran entrar ao concurso de bandas de rock de todo o país, Grim e Aksel colocaron carteles por toda a cidade, demandando que necesitaban un bajo para a súa banda.

13 may. 2019

No Correlingua 2019: "O galego é a fórmula"


Este pasado venres, día 3 de maio*, participamos no Correlingua 2019 que se organizou na nosa cidade.


O Correlingua é un acto festivo é reivindicativo do uso e normalización do galego en todos os ámbitos. Esta é a 19 edición é levou por título “ O Galego é a Fórmula”. Quíxose destacar nesta edición a necesidade da revitalización e papel prioritario que hai que darlle ao Galego no eido científico e tecnolóxico.



10 may. 2019

Festival de cine xuvenil europeo: fomos xurado

Cóntanos o profesor Roberto Varela Urrutia, o coordinador do Club de cinema:


Este pasado domingo, día 5 de maio, participamos por primeira vez na Coruña na Young Audience Award. Este certame, organizado pola Academia Galega do Audiovisual coa colaboración do Concello de A Coruña, consiste na elección da mellor película europea para o público xuvenil. Participaron neste evento 4000 mozos e mozas, entre 12 e 14 anos, de 45 cidades de 35 países. En España desenvolveuse nas cidades de A Coruña, Sevilla, Madrid e Barcelona. O evento tivo lugar nos cines dos Cantóns onde se proxectaron as tres mellores películas xuvenís do 2019.

9 may. 2019

Concurso de cartas a... ANTONIO FRAGUAS



Para celebrar o próximo Día das Letras Galegas, o Departamento de Dinamización Lingüística e o de Lingua e literatura galega xunto coa Biblioteca convocan o seu V Concurso de CARTAS A... ANTONIO FRAGUAS co obxectivo de fomentar o aprecio e o coñecemento deste escritor.

Aquí tedes as BASES:

3 may. 2019

Viaxe cultural a ASTURIAS

Vimos de realizar, do 28 ao 30 de abril, a nosa xa case tradicional viaxe cultural do Club de lectura. Desta volta, a Asturias

Como estaba programado, vintecinco persoas dos tres grupos do Club de lectura, desde 1º ESO ata 1º Bacharelato, e tres profes, poidemos gozar da grata experiencia de tres intensos días por terras asturianas -Cudillero, Avilés, Oviedo, Senda do Oso e Xixón- e norte galego (Ribadeo, Illa Pancha e praia das Catedrais). 
Foron días intensos, cheos de emocións e vivencias únicas, cun comportamento e respecto exemplares, moitas risas e aprendizaxes teóricas e, sobre todo, vitais. Deixamos a continuación algunhas fotos, aínda que a parte gráfica elaborada e detallada, chegará co vídeo que se está a realizar. 

25 abr. 2019

Final do torneo de xadrez intercentros, en Carballo

o trofeo
Os nosos rapaces trouxeron o trofeo!!! Unha vez máis foron os gañadores. En concreto, Hugo Costoya. Parabéns!!!

Pero o máis importante é o ben que o pasaron, o bo ambiente e o moito que compartiron e aprenderon. 

Moitas grazas á organización do IES Parga Pondal (sabiamos de antemán que nos ían recibir cos brazos abertos), aos rapaces e profesorado acompañante (Bea Requejo, Quico Mato e Alfonso Iglesias)!!!

23 abr. 2019

DÍA DEL LIBRO: Homenaje a William Shakespeare


Hoy hemos celebrado en la biblioteca de nuestro centro el DíA DEL LIBRO, un evento que venimos haciendo ya hace varios años para recordar la obra de tres escritores: Miguel de Cervantes, William Shakespeare y el inca Garcilaso de la Vega que, curiosamente, murieron el mismo día, un 23 de abril de 1616.


12 abr. 2019

Pioneiras do deporte en Galicia

Co proxecto de Aulas en feminino como fondo, o pasado martes 9 de abril puidemos gozar dunha 'enganchante' presentación da investigación realizada por Cristina López Villar en torno ás mulleres deportistas galegas, que ten recollida no seu libro Pioneiras do deporte en Galicia (témolo na biblioteca!). 

Laura Rivas (1º Bach) cóntanos o que máis lle chamou a atención do contido da charla: 

11 abr. 2019

ENCUENTRO LITERARIO con NANDO LÓPEZ




El pasado martes nos visitó Nando López, novelista, dramaturgo y profesor, aunque él prefiere llamarse comunicador y agitador de conciencias. Sus novelas y obras de teatro han llegado y siguen llegando con fuerza a la mente de los adolescentes porque él cree firmemente en esa edad delicada de búsqueda personal. Sabe captar a la perfección el alma de los jóvenes con sus preocupaciones, miedos, injusticias, alegrías, amores... Escribe sobre la adolescencia, según sus palabras, con la esperanza de llegar al lector adulto.

4 abr. 2019

Calendario previsto para o 3º trimestre

Como estamos xa na 3ª avaliación (por máis que se nos faga algo estraño isto de comezar antes das vacacións de Semana Santa), propoñémosvos o seguinte calendario de actividades e reunións: 





Imos véndonos!


1 abr. 2019