Un mar de contos

No acto de inauguración  Hoxe luns celebramos o día de Rosalía -cun día de retraso- coas nosas mellores galas e da mellor maneira que se nos ocorreu, xuntándonos unha gran parte do alumnado e profesorado para lembrala.  A nosa homenaxe consistíu, fundamentalmente, en outorgarlle o primeiro lugar do proxecto de  AULAS EN FEMININO , que bota a andar hoxe con ela. Con este proxecto, promovido polo Equipo de Dinamización Lingüística en colaboración coa Biblioteca, pretendemos que cada aula do centro homenaxee e dea a coñecer a algunha destacable muller galega. Case todas as aulas de Ensino Medio teñen xa escollido polo alumnado correspondente o seu nome. 

O pasado venres 8 de xuño finalmente tivo lugar o gran espectáculo PASAPORTE LUGRÍS LIVE SHOW ,   no que a gran protagonista foi a interculturalidade , e o noso afán por poñer en valor a riqueza que aporta o alumnado desas vintetantas nacionalidades e culturas co que convivimos no noso centro.

Xa levamos varias sesións desta nova edición do Contrato- Programa de excelencia, que continuando en gran medida o iniciado no curso pasado, céntrase na diversidade cultural ou interculturalidade .  Baixo a dirección de Cristina de la Torre , neste curso dividímonos en dous grupos:  a) Espectáculo , que está a traballar para levar a cabo actuacións de diferente tipo nunha xornada cara a fin de curso.  b) Comunicación , que está aprendendo a editar vídeos, coa intención de realizar montaxes interesantes de materiais de entrevistas xa grabadas. 

O pasado xoves 1 de xuño realizamos, baixo a dirección de Cristina de la Torre , e co apoio da Biblioteca, unha xornada dedicada á interculturalidade . Mobilizouse a todo o alumnado de ESO e Bacharelato e a unha boa parte do de Ciclos, a tamén a bastante profesorado. O instituto patas arriba durante as dúas horas en que os grupos (previamente organizados) ían pasando de media en media hora por catro das cinco estacións que estaban preparadas. Todo orientado a abrirnos cara culturas máis ou menos lonxanas, pero coas que convivimos día a día.  Este día acompañaranos o equipo da UAMI , a Unidade de Apoio ás Migracións do Concello da Coruña, que integraron algunha das súas dinámicas no programa do día. As paradas foron:  1. ADN LUGRISIÁN . «Mergúllate nas raíces que compartimos»:  Exposición de obxectos de diferentes culturas e actuación musical. 2. AL PAN, PAN. «Lava as mans antes de entrar»:  Aprendimos a orixe dalgúns alimentos e amasamos masa para ...

O proxecto Pasaporte Lugrís xa está en marcha e con moito sabor. Un equipo de arredor de máis de trinta persoas estamos traballando desde a biblioteca do centro en crear un relato multicultural sobre a diversidade que hai no instituto. Que diversidade? Pois a que arroxan os datos. Lembrades a enquisa que vos pedimos cubrir? Cubrírona máis de duascentas persoas e estes son algúns dos resultados: Nesa enquisa case o 80% do alumnado aseguraba que se relaciona con xente doutra nacionalidade no instituto, máis do 50% teñen amigos dunha cultura diferente no barrio, e un 33% ten contacto con xente doutros países en Internet.  Outros datos que nos chamaron a atención foron que o 30% do alumnado fala un idioma diferente ao español e o castelán, ou un porcentaxe similiar cambia de idioma segundo se dirixa ao profesorado ou aos amigos. Neste cadro podedes ver parte da información que recollimos e que estamos a empregar para o noso proxecto. GASTRONOMÍA, A GRAN PROTAGO...