Un mar de contos

O pasado xoves 15 de maio, o noso Club de lectura trasladouse ao IES de Elviña para escoitar e charlar con Pedro Feijoo. Estaban tamén rapaces do Club de lectura do IES Parga Pondal de Carballo, e os de Elviña, por suposto. Houbo un bo feixe de preguntas, do máis variado. Mentres respondía, Feijoo foi contándonos como é o seu labor de documentación, a súa forma de escribir, amosounos os cadernos que emprega para escribir (primeiro sempre a man... con letra de médico)... e aguilloounos para que busquemos todas as historias que temos a un tiro de pedra e que quedan por contar. 

O próximo xoves 15 de maio imos ao IES de Elviña para escoitar, xunto con xente doutros clubs de lectura, a Pedro Feijoo . Feijoo é un escritor galego, nacido en Vigo en 1975. Ademais de escritor, é músico e compositor e filólogo de formación. As súas obras máis coñecidas son bastante recentes:  - Os fillos da auga (2011), unha obra de intriga e aventuras situada en Vigo, - A memoria da choiva (2013), ubicada esta vez en Santiago e definida por algúns como un thriller con Rosalía  de fonto.  Gózase léndoo... A ver que nos conta!