Un mar de contos

As pasadas semanas dedicamos as sesións do Club de lectura á poesía da indo-candense  Rupi Kaur .  Limos a entrevista " Escribo para que las mujeres encuentren palabras que expliquen su sufrimiento ", deténdonos un pouco na súa biografía e logo comentando a famosa foto viral na que se a ve cunha pequena mancha da regra e tamén a súa visión da escritura como terapia para situacións de sufrimento.  Recitamos varias poesías súas do seu libro" Otras maneras de usar la boca " (en inglés, Milk and Honey ). E como as sesións coincidiron cerca do Día Internacional contra a Violencia machista puxemos un taboleiro na entrada do instituto con poesías de Rupi Kaur que consideramos inspiradoras para cavilar sobre este tema.    

O pasado 8 de abril celebrouse o día do pobo xitano . O Día Internacional do Poblo Xitano  conmemórase o 8 de abril. Esta data lembra o Primeiro Congreso Mundial romaní/xitano celebrado en Londres o 8 de abril de 1971 no que se instituíu a bandeira e o himno xitano.  A bandeira é verde e azul, simbolizando o ceo e o campo, cunha roda de carro vermella no centro, que simboliza o camiño desde a India e a liberdade. No instituto recollimos e expuxemos algúns dos carteis da Fundación Secretariado Xitano facendo referencia a campañas divulgativas que intentan rachar con estereotipos contra este pobo que a miúdo proliferan.  Tamén colgamos o Manifesto do Pobo Xitano , redactado por Manuel Rivas o ano pasado. A campaña deste ano concéntrase no vídeo:  La pregunta de Samuel. Hay preguntas que hacen historia Outros vídeos moi recomendables son:  -   #Telebasura no es realidad - # Yo no soy trapacero - # Prejuicios absurdos Este ano, para a celebrac...

# BENQUERÉNDONOS   # IESURBANOLUGRIS Con motivo do Día Internacional contra a Violencia Machista (o 25 N), a biblioteca do centro convoca un concurso de chíos ( tweets ). Trátase de textos breves con forma de relato, mensaxe ou lemas (como os que se realizan a través da rede social twitter )   cunha extensión máxima é de 140 caracteres.     Bases : 1.  O tema terá que ver coa loita contra todo tipo de violencia machista , desde os   micromachismos e os acosos ata as expresións de violencia máis duras. Cada  persoa  poderá enviar un máximo de tres chíos ou  tweets .  2. Os chíos deberán ir acompañados das etiquetas # Benqueréndonos # iesurbanolugris .  Tamén poden entregarse escritos nunha tarxeta na biblioteca ou enviarse ao correo lerunmardecontos@gmail.com  3.  As persoas que presenten os seus tweets ao concurso serán responsables da orixinalidade e autoría dos mesmos. O...

Déixovos aquí abaixo unhas cantas fotos -para a lembranza- das actividades coas que celebramos o día da paz e non violencia e todas as pegadas murais coas que decoramos o instituto (e unha do grafiteiro Banksy ao lado como modelo inspirador para outras ocasións). A continuación, tamén unhas poucas  da participación nos "corazóns breves",  expresión dos nosos sentimentos máis íntimos e amorosos.  En ambos casos, moitísimas grazas pola vosa colaboración e entusiasmo.

Pasou o día da paz (o 30 de xaneiro) e nós aínda andamos festexándoo... Nesta ocasión andivemos a voltas cun dos seus símbolos máis recoñecidos, e expuxemos algo da súa historia á entrada do centro; pero, sobre todo, dedicámonos a elaborar vistosos murais con lemas e frases en torno á paz rubricados coa pegada das nosas mans (a parte máis diver).  Ben, agora poñerémos a facer algo a respecto do día do namorados (ao que nós engadimos, a amizade... porque si). Seguindo a inspiración dunha idea traído pola profe Magdalena, propoñémovos escribir mensaxes (de amor, de amizade) sobre corazóns de papel (as bases estarán en cada aula).  E, por último, a próxima semana celebraremos na biblioteca sendas reunións do club de lectura. O mércores, 6 de febreiro, para 1º, 2º  e 3º ESO e PCPI (en torno a María Menéndez-Ponte), e o xoves para 4º ESO, Bacharelatos e Ciclos (centrados en bandas deseñadas). *Estaremos facéndonos hippies ?

Hoxe, 25 de novembro, celebramos o día contra a violencia de xénero (ou violencia machista, se preferides). E deberemos seguir lembrándoo con forza. As cifras de mulleres asasinadas e maltratadas seguen a ser escandalosas: - Entre 2003 e 2011 foron asasinadas 605 mulleres en España a mans das súas parellas ou exparellas. No 2012 levamos 47 mulleres mortas. No 2011 foron 66 as asasinadas. No 2010, 78. No 2009, 73... - Unha de cada tres mulleres asasinadas pola súa parella ten entre 15 e 29 anos. - No mundo, case a metade das mulleres que morren por homicidio foron asasinadas polos seus maridos, parellas ou exparellas; nalgúns países esta porcentaxe elévase ao 70%.  - Aínda que é difícil obter cifras exactas debido á falta de rexistros, segundo os datos dispoñibles, no mundo unha de cada catro mulleres será vítima de violencia sexula por parte da súa parella no curso da súa vida. A maioría das vítimas de agresións físicas vense sometidas a múltiples actos de violencia d...