Un mar de contos

Onte venres, no festival de fin de curso, presentouse tamén un vídeo realizado por Cristina De la Torre que recolle primorosamente o día da estrea da exposición permanente Océano Lugrís,  ubicada en sete puntos do noso centro e que levamos a cabo este curso no marco de Contrato programa "Mapa emocional de Lugrís". Ese día, o luns 18 de maio, recibimos a visita do IES Urbano Lugrís de Malpica e os nosos rapaces e rapazas actuaron de guías, primeiro no centro, e logo durante un percorrido lugrisián que comezou na Torre de Hércules e continuou no xardín de San Carlos , o Parrote, o café Vecchio da rúa San Andrés, o graffiti da rúa Mantelería, e rematamos todos, os malpicáns e os coruñeses, cantándolle a Lugrís diante do mural de Lugrís da praza José Sellier.  Seguiremos aprendendo e gozando con Urbano Lugrís! Prometido!!!

Deixamos aquí unhas cantas fotos do día en que comunicamos a Alba e a Morelys que eran as ganadoras do Concurso de "Cartas a... Urbano Lugrís". Entregámoslles un orixinal forxado coas iniciais do pintor que dá nome ao noso centro. Na festa de fin de curso terán algún premio máis.  

O xurado vén de decidir as epístolas premiadas no Concurso de  Carta a...  Urbano Lugrís . A participación non foi moi ampla, polo que os premios finalmente outorgados son dous:     1º premio: Alba Vázquez Botana -Bolboreta- , de 1º ESO A    2º premio: Morelys De los Santos, de 1º ESO C E aquí tedes as súas cartas:  A Coruña, 15 de maio de 2015 Querido Urbano:  Son unha rapaza, gran seguidora das súas obras. Vivo na Coruña, a cidade onde naceu vostede. Estudo no instituto que leva o seu nome, Urbano Lugrís. No instituto hai moitos cadros seus, e agora mesmo estamos a facer un obradoiro sobre a súa vida. É verdade que o seu pai foi un dos fundadores da Real Academia Galega? Eu quero facer teatro, posiblemente vaia a Madrid, como fixo vostede. Xa me enterei de que cando estudou nesa cidade coñeceu a grandes poetas: Rafael Dieste, Federico García Lorca, Rafael Alberti. É verdade que te un fillo que se chama como vostede e adema...

Para celebrar o próximo Día das Letras Galegas, o Dpto. de DINAMIZACIÓN LINGÜÍSTICA xunto coa BIBLIOTECA convocan o seu I Concurso de Cartas a... Urbano Lugrís  co obxectivo de fomentar o aprecio e o coñecemento deste personaxe. PARTIPANTES T odo o alumnado matriculado no Centro. TEMA E IDIOMA O pintor Urbano Lugrís. Valorarase o respecto ao estilo epistolar, a adecuación a algúns datos biográficos e históricos relativos ao artista, a capacidade creativa e ficcional, o ton afectivo...  * Ha de estar redactada en lingua galega. MODO DE ENTREGA Os participantes deberán entregar a carta inédita na biblioteca. Para iso, completarán nun sobre pequeno os seus datos personais que achegarán coa carta nun sobre máis grande co correspondente pseudónimo. Para quen o desexe, na biblioteca ofreceranse sobres e papel para a realización da obra. FORMATO A extensión máxima é de 200 palabras, e ha de ter forma de carta ou epístola. PRAZO O prazo par...

Agroman flores e follas por doquier e por veces mesmo sae o sol.. Temos á primavera chamando á porta e para celebrar ese día a Biblioteca agasállavos con versos diversos.  ( de poetas como Raúl Vacas, Mario Benedetti, Lope de Vega, Luis Cernuda, Joaquín Sabina, Gloria Fuertes, Safo, Nicanor Parra, Fran Alonso Neruda, Berta Dávila,  Gioconda Belli, Manuel María, Urbano Lugrís, Yolanda Castaño, Baudelaire, Léopold Sédar Senghor, Arthur Rimbaud, Prévert, Rilke, W.E. Henley, Walt Whitman, Shakespeare, Jorge Luis Borges, Teresa de Ávila, e algúns outros e outras). O que fixemos o pasado curso grazas ao impulso da profe Margarita Acevedo continuámolo agora co potente influxo de Urbano  Lugrís , quen con outros amigos do Batallón literario (entre eles, Avilés de Taramancos ) e da Peña del Amanecer  tamén regalaban poesías alá polos anos 50 da pasada centuria polas rúas do centro da nosa cidade ( Percalinópolis , como lle gustaba chamala a Lugrís).  Eliseo G...

Xa levamos un par de sesións co obradoiro sobre " Mapa emocional de Lugrís ". Estas sesións dedicámolas fundamentalmente a mergullarnos na vida de Urbano Lugrís mentres faciamos intensas chuvias de ideas para ir trazando o camiño por onde seguir. Este martes ao mediodía de novo continuaremos coa nosa tarefa guiados por Cristina de la Torre. 

O pasado xoves 26 vivimos unha grata experiencia poética -e humorística- da man das poetas María Lado e Lucía Aldao .  Foi no IES de Elviña , onde xa imos sendo "antigos" coñecidos grazas a que a coordinadora do sue club de lectura, Puri, sempre se lembra de nós. Alí, estas poetas combinaron seriedade e intensidade literaria cun fino humor moi didáctico e ameno. Aprendimos a colocar o pronome átono en galego mentres escoitabamos cantar o coñecido tema de Rocío Jurado "Te amo" (mellor dito, Ámote), compuxemos conxuntamente un poema dadaísta bastante simpático, cantamos un pouquiniño coa axuda dun "karaoke analóxico", agasalláronnos cun poema para pedir perdón, co maduro título de "Cuqui" e soltamos unhas cantas gargalladas analizando sentenzas urbanas en forma de grafitis máis ou menos elaborados, como "Alex estubo (sic) aquí", "Clemente drogadito (sic)", "Aquí te puse los cuernos" e mesmo máis ideolóxicos ...

O pasado martes 20 de maio foi un día moi especial no noso centro. Sobre todo, porque tivemos que exercer como anfitrións dun numeroso grupo de guitiricenses do IES Poeta Díaz Castro. Estiveron por aquí un pouco máis de dúas horas, devolvéndonos a visita que nós realizamos en febreiro.  Invitámolos a tomar un pouco de biscoito na nosa biblioteca, e logo intentamos que viviran  unha especie de "matinal artística", combinando un pouco de música e poesía no salón de actos. Para a parte musical, rapaces preparados por Pedro -o profe de música- interpretaron varias obras:  Entre dos aguas, de Paco de Lucía,   e unha rumba en grupo; e logo tamén nos deleitaron Diego Abanqueiro e Iván Romero, ao teclado en solitario... Outros poucos recitaron poemas variados: Yolanda e Jordalina recitaron "Besos", de Gabriela Mistral, no que están xa especializadas, e despois  Xulio, Luis, Tamara, Samuel e Sara exerceron de rapsodas con poemas do celebrado Díaz Castro. O acto f...