30 jun. 2013

Comezo da "operación desconexión"

Si, cando menos por un pouco tempo, deixaremos de lado as rutinas cotiás e trataremos de cambiar os camiños do pensamento máis frecuentados... coa intención de volver ao novo curso con renovadas forzas e proxectos. (Quen teña que preparar os exames de setembro terán un tempo máis breve para desconectar, aínda que cunha boa planificación, haberá tempo para todo...).

Botando a vista atrás, remata un curso que pasou voando e que superou as miñas expectativas máis positivas, grazas en gran medida á biblioteca e ao club de lectura que funcionaron para min como un lugar -non só físico- de acollida e estímulo para o meu traballo. Así que, ademais de estar moi agradecida tanto aos rapaces, como aos colegas profes e  á directiva pola excelente acollida de todas as propostas e a participación nelas, teño -ou temos- por diante o reto de non decepcionar e continuar construindo un espazo cómodo para ler, aprender, xogar, curiosear...

Aproveito para poñer as fotos do noso último encontro no club de lectura, no que vimos a película Emilia Pardo Bazán, a condesa rebelde.

Boas vacacións!!

10 jun. 2013

Relato dunha excursionista do Club

Hoxe escribe Cindy Elsa Espiniella, de 1º ESO A, dando conta das visitas que fixemos o pasado xoves 6 de xuño:

"Vamos a una excursión. Primero pasamos por la Real Academia Galega (RAG).
En la RAG nos explicaron quienes se sentaban en los sillones... eran gente muy importante. Después, en la casa de Emilia Pardo Bazán, nos enseñaron las cosas que utilizaba, los cuadros, fotografías de ella, sus hijos y su marido. También, los libros que le dedicaban, el vestido y las poesías...
Y, por último, en el Arquivo do Reino de Galicia nos explicaron, en primer lugar, lo que hacían; en segundo lugar, nos enseñaron algunos libros que tenían y en tercer lugar donde guardaban los documentos; y cuarto y último, el laboratorio donde  restauraban los documentos antiguos".



















Quedaranos unha boa lembranza!

7 jun. 2013

De fotonovelas e películas...

Temos na bilbioteca unha nova exposición, esta vez de fotonovelas elaboradas por 4º ESO coa profe Xulia. 
Aquí queda unha mostra de Adriana (4º A) para abrir apetito, coa lembranza da saída a Pontevedra.


Lembrade que o martes 11 quedamos a ver a película sobre a vida de Emilia Pardo Bazán (damos caña ata o final, que non se diga...). 


6 jun. 2013

Ruliña, miña ruliña... as palabras que máis nos gustan...


Pois si, parece que no Lugrís  enchémonos de agarimo  cara o fin de curso (ou será que somos así?) e ao mirar para a nosa lingua as palabras que máis nos gustan (medida por número de votos) son  RULIÑA  e máis MORRIÑA
Nos topónimos gana por goleada RIAZOR, e entre os nomes propios VALERÓN non ten parangón (perdoade o pareado).  Penso que se nos ve demasiado o plumeiro deportivista (malia os tempos que corren).

Recollo aquí as explicacións que nos ofreceron quen propuxeron estas ben soantes palabras: 

- RULIÑA: "expresión moi cariñosa" (proposta por Antonio Chans, de STI 1º A)
- MORRIÑA:  "saudade, botar de menos" (proposta por Junquera López, de 4º ESO B), ou "un sentimento que abarca moitos sentimentos e unha palabra que todos entenden, pero nadie pode explicalo" (Noelia e Cristina Rodríguez, tamén de 4º ESO B)
- RIAZOR: "terra de fútbol" (Gonzalo Conde, de 4º ESO B)
- VALERÓN: "mago do fútbol" (Gonzalo Conde)

Realmente houbo propostas de palabras e explicacións excelentes, e na urna apenas si cabían os votos. Moitas grazas a todas e a todos, pois, pola vosa participación.





E seguimos -por pouco tempo xa- coa exposición de cómics de 4º ESO B, pendentes do final do concurso da mascota e hoxe estivemos de excursión co Club de lectura na súa versión ampla (desto faremos unha entrada aparte).