De bandas deseñadas e álbums ilustrados
Lémbrovos que o próximo venres 15 faremos unha reunión co CL2 (o club de lectura a partir de 4º ESO). Proporemos, para este trimestre, mirar e ler bandas deseñadas diversas e álbums ilustrados. Na biblioteca imos tendo máis material a cada paso. Para irnos inspirando poderíades botar unha ollada á wiki que teñen no club de lectura Vixías das letras (dun IES de Carballo, ao que estiven moi ligada e do que non logro despegarme de todo...). Aí podedes ver varios vídeos moi suxestivos, e aquí déixovos un de El árbol rojo , de Shaun Tan para ir abrindo apetito.