Un mar de contos

Este pasado mércores celebramos o segundo encontro co IES Isidro PargaPondal de Carballo e o primeiro co IES Fernando Wirtz no noso centro para celebrar unha festa do xadrez, e engadimos tamén á celebración, o debate.

O pasado mércores 3 de xuño tivo lugar o encontro final da II Liga de Debate no Lugrís. Nesta ocasión enfrontáronse os equipos de 4º ESO e 1º Bac. E o tema a debatir era a independencia de Galicia.  Os equipos de 4º ESO e Ciclos por unha banda, e o de 1º Bac e 3º ESO, por outra , debatiran p reviamente (o 6 e 7 de maio)  en torno a se as medidas contra a violencia de xénero eran ou non adecuadas. Nesa primeira fase ganaran 4º ESO e 1º Bac respectivamente.  Nesta ocasión, a 1º Bac tocoulle defender a independencia de Galicia e a 4º ESO posicionarse en contra. Ambos equipos argumentaron moi ben, pero o ganador foi o de 1º Bac. O xurado resaltou o traballo de preparación do equipo ganad or. O profesor Xosé presenta ao equipo de 1º Bac: Noelia, María, Mónica, Gonzalo, Anxo e Jéssica Xosé presenta a 4º ESO: Lara, Alejandro,   Yaiza, Bruno e Adrián Adrián falando Noelia explicándose María Peral en plena argumentación ...

O pasado mércores 9 de abril enfrontáronse dialecticamente un grupo de 4º ESO A (Ainhoa Carro, Aitor Montero, Lucía Blanco, Lucía Bouza e Sergio Esmorís) contra outro de 1º BAC A (Fatoumata Sarr, Andrea Barros, Roberto Bello e Nela Pérez ). A discusión xirou en torno a se a mocidade de hoxendía se implica ou non na sociedade. Ao grupo de 4º tocoulle defender a postura a favor e ao de 1º en contra. Ambos grupos argumentaron realmente ben, sobre todo tendo en conta que era a primeira experiencia de debate no insti.  O debate foi moderado e dirixido polo profesor Xosé Castro, coordinador de Dinamización Lingüística; como adestradores actuaron, Davide Loimil (1º Bac) e África López (4º ESO). O xurado, os profes Xulia e Roberto, deron como gañador ao grupo de 1º Bac, aínda que recoñeceron que ambos equipos estiveron moi igualados.  Xa temos ganas de repetir a experiencia!