Un mar de contos

Este pasado venres 21de maio achegámonos ao IES Rafael Dieste para xogar un torneo de xadrez. Debido á situación pandémico trasladámonos con pouco alumnado, con aquel que foi máis regular no torneo de  de xadrez on line do centro. 

Alex e Hugo O pasado xoves 20 de febreiro tivo lugar a final do torneo de xadrez no noso centro.  Os catro seminifalistas foron: Alex Santos, Hugo Costoya, Edison Dávila e Xabier Barreiros , todos eles de 4º ESO.  O gañador do torneo foi Alex Santos Fernández , de 4º ESO B. Noraboa!!! Quedou Edison de segundo, Xabier de terceiro e Hugo en cuarta posición. 

E xa imos pola cuarta edición do torneo de xadrez intercentros...  Está xa o alumnado matriculado e comezaremos coas rondas en sistema suizo a próxima semana, o martes 28 de xaneiro.  Xogarase nos recreos de martes e xoves . E tentaremos que haxa outros xogos de mesa para animar o espíritu lúdico saudable.  As regras do torneo, o listado de alumnado inscrito, os emparellamentos de cada ronda e tamén os resultados provisionais podedes ir consultándoos no curso de "Biblioteca" (de acceso libre, como invitado) da aula virtual do centro.  A xogar!  E a animar a quen xogue!

o trofeo Os nosos rapaces trouxeron o trofeo!!! Unha vez máis foron os gañadores. En concreto, Hugo Costoya. Parabéns!!! Pero o máis importante é o ben que o pasaron, o bo ambiente e o moito que compartiron e aprenderon.  Moitas grazas á organización do IES Parga Pondal (sabiamos de antemán que nos ían recibir cos brazos abertos), aos rapaces e profesorado acompañante (Bea Requejo, Quico Mato e Alfonso Iglesias)!!!

Onte venres tivo lugar a gran final de xadrez. Édison Dávila quedou como ganador, Ariel Canario quedou de segundo.  Na partida para o terceiro e cuarto posto, Hugo Costoya quedou de terceiro e Xabier Barreiros en cuarto lugar.  En maio terá lugar o Torneo intercentros, desta volta en Carballo, cando nos enfrontaremos ao IES Parga Pondal. 

Acabada a séptima ronda do torneo suízo de xadrez o pasado martes, xa temos os resultados e polo tanto xa sabemos quen son as catro persoas que xoguen a semifinal o próximo martes 26 no recreo.  Noraboa!!!

O pasado martes tivo lugar a primeira ronda  do torneo, na que estiveron case todos os participantes, rodeados da gran animación que xa vén sendo habitual durante os torneos.  O venres continúase coa segunda ronda.  Podedes animarvos a pasar por alí, aínda que non participedes! 

Un curso máis desenvolveremos o Torneo de xadrez intercentros. Podedes inscribirvos ata o día 23 na Biblioteca.   Comezaremos o venres 25 cunha reunión na Biblioteca , no recreo, na que daremos instrucións e repartiremos as normas, ademais de "poñernos caras". 

Este pasado mércores celebramos o segundo encontro co IES Isidro PargaPondal de Carballo e o primeiro co IES Fernando Wirtz no noso centro para celebrar unha festa do xadrez, e engadimos tamén á celebración, o debate.

Xabier e Edison, xogando a final Realizada a semifinal e a final de xadrez no noso centro, temos xa a CLASIFICACIÓN FINAL:  1º: Xabier Barreiros Camiselle, 2º ESO A 2º: Édison Dávila Figueiras, 2º ESO A 3º: Ariel Canario Solís, 2º ESO A 4º: Roque Couceiro Salido, 2º Bach Noraboa a todos!!! Lembrade que o próximo mércores 25, teremos a FESTA DO XADREZ  e DEBATE con outros dous centros.  Entre outras actividades, realizaremos unha final por equipos, xogando contra os gañadores dos torneos de xadrez que tamén realizaron no IES Parga Pondal e no IES Fernando Wirtz. O mellor levarase un trofeo! Ariel e Roque, xogando polo 3º e 4º posto

O próximo luns 5 de marzo terá lugar a séptima e última ronda do torneo de xadrez, que se realizaron seguindo o sistema suizo.  Ao longo destas semanas, vivíronse bastantes recreos intensos.  Logo dos exames e das vacacións de Semana Santa, realizaremos unha semifinal e final  coas catro persoas participantes con maior puntuación. Será nos recreos do martes 17 de abril e mércores 18 de abril. E na semana seguinte, o mércores 25 de abril, terá lugar no noso centro a Festa do xadrez intercentros. 

Xa está en marcha o torneo de xadrez.  Deixamos aquí os emparellamentos da primeira ronda e logo, como dixemos na reunión, irémolos poñendo na la Aula virtual do centro no curso de acceso libre de Biblioteca. 1 ALMONTE VICENTE, C - BARREIROS CAMISELLE, X  2 DÁVILA FIGUEIRAS, É - CARITA FLORES, R  3 CÉSPEDES THOLA, I -  FERREIRA CASSIANO SA., L  4 ANTELO GONZÁLEZ, E - MONTERO SÁNCHEZ, D  5 NAVEIRA GUIMAREY, S -  RAMOS MURAS, P  6 ÁLVAREZ OTERO, A- COUCEIRO SALIDO, R  7 ESCOBAR OCAMPO, L -  DANU, A  8 BELIZARIO MARTINS, R  -  CAMEÁN PIÑEIRO, Z  9 ROSÚA LÓPEZ, D - COARI BÁIZ, A  10 MATA SERRA, M - NAVEIRA GUIMAREY, M  11 LÓPEZ BERMÚDEZ, M - POSE ARANDA, M  12 RAMOS RODRÍGUEZ, M - PAZOS MIRÁS, U 13 CASTRO JOGLAR, A -  POSE RIAL, S  14 MONTEAGUDO LÓPEZ, B - PEGUERO SOLÍS, J 15 RODRÍGUEZ ESTÉVEZ, D - ARIFI AZLOU, M  16 SÁNCHEZ FERREIRA, D -  ZOUGATT, M  17 SANT...

Enlazando dalgunha maneira co Día da paz e non violencia  que estamos a conmemorar coa actividade das "Paxariñas pola paz",  na última sesión do Club de lectura (este pasado venres)  preguntámonos  pola crueldade, utilizando os materiais de filosofía visual para nenos de W onder Ponder . Xurdiron un montón de preguntas e reflexións como si estivésemos nun filocafé, pero sen café ;) Calquera pode ser vítima? Pode haber crueldade sen agresor? Pode haber crueldade con animais ou plantas? Cales son as motivacións das persoas que agreden? Que emocións senten as vítimas? E quen agrede? É a persoa agresora a única responsable? E se está actuando baixo as ordes doutras persoas?... E bastantes máis. O tempo, como sempre, non chegou a nada e quedou sen poñer un vídeo coa canción Natureza humana , de Michael Jackson , co que propoñíamos rematar. Aquí queda:  A sesión anterior dedicáramola a presentar a temática deste trimestre, PREGUNTAS PARA PENSAR, empezando p...

Temos xa en marcha este curso unha nova edición do Torneo de xadrez! A data límite de inscrición é o próximo martes 31 de xaneiro. Podes anotarte na Biblioteca. O MÉRCORES 1 DE FEBREIRO , NA BIBLIOTECA, REALIZAREMOS UNHA REUNIÓN DE TODAS AS PERSOAS PARTICIPANTES PARA LEMBRAR AS NORMAS MÁIS IMPORTANTES E RESOLVER DÚBIDAS.  Nesta ocasión faremos o torneo seguindo o sistema suizo    a 7 rondas . Isto quere decir que TODOS OS XOGADORES xogarán 7 partidas. As datas das 7 rondas serán os seguintes días: - 1 RONDA: LUNS 5 febreiro - 2 RONDA: XOVES 8 febreiro - 3 RONDA: LUNS 19 febreiro - 4 RONDA: XOVES 22 febreiro - 5 RONDA: LUNS 26 febreiro - 6 RONDA: XOVES 1 marzo - 7 RONDA: LUNS 5 marzo Unha vez rematadas as 7 rondas, os 4 mellores clasificados xogarán un playoff con semifinais e final, aínda sen data, pero previsiblemente á volta da Semana Santa.  E para remate haberá unha festa na que xogaremos con xadrecistas doutros institutos. ...

Case todo 3º ESO co mural Carapuchiña feroz, de Susana Llorente e Carlos Fernández Este pasado xoves 27 de abril devolvimos a visita ao IES Parga Pondal de Carballo (logo de que eles viñeran o 9 de marzo). Fixéronnos unha magnífica recepción cun chocolate e roscón, co que collimos forzas para percorrer a vila admirando os grandiosos murais que decoran os lugares máis variopintos. Dúas guías amosáronnos unha gran parte da iniciativa " Derrubando muros con pintura ", un conxunto de murais de arte urbana que nos deixaron abraiados. A visita concluíu cun percorrido pola Biblioteca Rego da Balsa . O mural de Dulk , o primeiro que vimos, no Fórum Quedamos con ganas de volver por máis...  Mural de Aryz Mural tridimensional do portugués Bordalo II Á entrada da Biblioteca Empezando a mesturarse... Mural de Paula Fraile O mural de Sokram , no Pazo da Cultura 1º Bach e outros, tamén con Carapuchiña feroz Moitas grazas...

O xoves 9 de marzo celebramos a FESTA DO XADREZ no noso centro tal e como estaba previsto * . Recibimos con gran ledicia ao alumnado (e profes acompañantes) do IES Parga Pondal que participou con nós ao longo de toda a mañá. Empezamos cunha charla co mestre internacinal de xadrez JACOBO CASELAS , quen rompeu o xeo cun interesante vídeo sobre o campeón mundial de xadrez, Magnus Carlsen , para logo comentar de modo distendido aspectos varios sobre a historia do xadrez, as anotacións, ensinarnos o sitio web lichess.org etc. Asombrámonos seguidamente coas partidas simultáneas con Jacobo que non sabemos de onde sacou enerxía e paciencia para enfrontarse a vintecatro xogadores e xogadoras. como podedes ver no vídeo, fíxose un silencio expectante (ao principio...)e empezou a acción. Un tempo para o descanso : E logo mini- torneo Lugrís-Parga , ou urbanos contra isidros ;)  Chegaron á final Hugo Costoya e Pedro Agrelo, un de cada centro. Foi di...