31 oct. 2013

Falando de pequenos relatos... e números

Este martes pasado, o 29 de outubro, tivemos reunión do club de lectura no recreo e charlamos sobre O asasinato do profesor de matemáticas, o libro que centra as nosas charlas de momento; falamos tamén doutros libros de Sierra i Fabra, de concursos en marcha (esperamos moita participación nos Microrrelatos de terror) e fixemos plans para próximas reunións (das que en breve indico as datas confirmadas). 

E falando de mate, atopei estes días un breve relato (aínda que non micro) que trata de aritmética... e fíxome sorrir. A ver se con vós tamén  o logra: 

"Vamos a inventar los números

-¿Por qué no inventamos unos números?
-Bueno, empiezo yo. Casi uno, casi dos, casi tres, casi cuatro, casi cinco, casi seis.
-Es demasiado poco. escucha estos: un remillón de billonazos, un ochote de milenios, un maramillar y maramillón.
-Yo entonces inventaré una tabla:

              tres por uno, concierto gatuno
              tres por seis, no me toquéis
              tres por dos, peras con arroz
              tres por siete, quiero un juguete
              tres por tres, salta al revés
              tres por ocho, nata con bizcocho
              tres por cuatro, vamos al teatro
              tres por nueve, hoy no llueve
              tres por cinco, pega un brinco
              tres por diez, lávate los pies.

-¿Cuánto vale ese pastel?
-Dos tirones de orejas.
-¿Cuánto hay de aquí a Milán?
-Mil kilómetros nuevos, un kilómetro usado y siete chocolatinas.
-¿Cuánto pesa una lágrima?
-Depende: la lágrima de un niño caprichoso pesa menos que viento; la de un niño hambriento pesa más que toda la tierra.
-¿Cuánto mide este cuento?
-Demasiado.
-Entonces inventémonos rápidamente otros números para terminar. Los digo yo, a la manera de Módena: unchi doschi treschi cuara cuatrischi, miri mirinchi, uno son dos.
- Yo entonces voy a decirlos a la manera de Roma: unci dusci trisci, cuale cualinci, mele melinci, rife rafe y diez."

É do escritor italiano  Gianni Rodari, do seus moi coñecidos Cuentos por teléfono. Hai tamén versión en galego, pero -mágoa!- eu non dispoño dela. 

Por outra parte, supoño que veríades algunhas novidades da biblioteca nestes días. Temos máis mesas para xogar ao xadrez na biblioteca, e acabamos de montar dous PUNTOS DE LECTURA fóra da biblioteca, pequenos recunchos con revistas, cómics e o que se nos vaia ocorrendo. 





Bo descanso por Samaín!



20 oct. 2013

Microrrelatos de terror... e outros concursos

Achégase o Samaín, e para celebralo á nosa maneira convocamos o II Concurso de Microrrelatos de terror do noso centro. Este curso ten novidades -lingüísticas- respecto á anterior edición. A continuación tedes as bases:

BASES DO CONCURSO:

  1. Os microrrelatos deben ser inéditos (non copiados), e encadrarse dentro do xénero do terror.
  2. Os microrrelatos han de ter unha extensión máxima de 125 palabras.
  3. Os microrrelatos poderán estar escritos en galego, castelán, inglés e francés.
    E deberán comezar, dependendo do idioma elixido, das seguintes maneiras:
    - EN GALEGO: “Falábase moito do lobo da xente, ese lobo que come carne humana...”
    [ X. MIRANDA, Pel de lobo]
    - EN CASTELÁN: “Ya estaba cerca, a unos metros, pero ellos estaban paralizados. De pronto vieron la sangre...”
    [SIERRA I FABRA, Asesinato del profesor de matemáticas]
    - EN INGLÉS: “This morning about the three o`clock, we were woken by a series of terrible screams...”
    [E.A. POE, The Murders in the Rue Morgue]
    - EN FRANCÉS: “ Mes cauchemars anciens reviennent. Cette nuit, j'ai senti quelqu'un accroupi sur moi...”
[GUY DE MAUPASSANT, Le Horla]
  1. Debedes procurar que non teñan faltas de ortografía.
  2. O prazo de entrega remata o venres 8 de novembro.
  3. Os microrrelatos entréganse na biblioteca, co voso nome, apelidos e curso.
  4. O xurado estará conformado polo profesorado do grupo de biblioteca e dos departamentos de linguas do IES.
  5. Haberá dous premios en cada idioma: un para o mellor microrrelato de 1º a 3º ESO e PCPI, e outro para 4º ESO, Bacharelato e Ciclos.
A escribir, toca!

Para entonarvos, podedes ver a primeira curtametraxe de Tim Burton, Vincent (1982) na que un neno de 7 anos que se cre Vincent Price, un antigo actor de terror,  métese por completo nos personaxes de Edgar Allan Poe:





Ademáis, está en marcha a 6ª edición do concurso Ciencia que conta, no que se vos propón que escribades unha narración en torno a temas científicos (nas propias bases, que tamén están na biblioteca, ofrécenvos suxestións). Tedes de prazo ata o 16 de novembro!

Mais, se o que vos gusta é debuxar nos taboleiros do insti hai información sobre un interesante concurso de viñetas.

A ver se vos animades!

13 oct. 2013

O Club de lectura e ALICE MUNRO

O pasado martes 8 de outubro tivemos a nosa primeira xuntanza deste curso. Viñeron os e as máis fieis do curso pasado e uníronse vairas caras novas de 1º ESO. Aínda que o tempo non deu para moito, chegamos a acordar ler neste primeiro trimestre El asesinato del profesor de matemáticas, de Jordi Sierra i Fabra (Barcelona, 1947), un magnífico autor xuvenil, do que temos un montón de libros -en castelán e tamén en galego- á vosa disposición. E temos tamén nomeados varios axudantes para colaborar na organización das reunións.

Quedamos, ademais, en que a próxima reunión teríamola o martes 28 de outubro. A ver se desta volta non se esquece ninguén...

Aproveito que me poño para lembrarvos que estamos a redactar as bases do II Concurso de microrrelatos de terror, esta vez con novidade "plurilingüe"...


E non vou rematar sen facer mención de que hai uns días se concedeu o Premio Nóbel de literatura a unha escritora canadense, Alice Munro (Ontario, Canadá, 1931), especialista en relatos cortos, realistas, con ton pesimista, pero moi atractivos ao tempo. Déixovos un enlace cun dos seus contos, "Radicales libres", moi do seu estilo, e aderezado con algún asasinato (xa que estamos co tema...).