Un mar de contos

Deixámosvos aquí o calendario de reunións dos grupos do Club de Lectura para o último trimestre. Neste tempo imos dedicarnos ás imaxes, en fotografía e, sobre todo, en mangas, cómics e novela gráfica. Ademais, temos como novidade importante a actividade de Lectura interxeracional . Facémola en colaboración coa Biblioteca do Ágora , no marco do seu proxecto "La hora de lectura", co Centro de Día "Novoandanza" . Temos xa unha quincena de voluntarios preparándose para ler e conversar cos maiores deste Centro.  E xa andamos un pouco nerviosos pensando na Viaxe cultural do Club de Lectura a Salamanca e Bragança durante tres días (28 e 29 abril e 1 maio). O próximo xoves 12 faremos a reunión informativa con nais e pais, ás 19:00 horas na Biblioteca. Velaquí, o calendario : 

A próxima semana comezamos coas reunións dos tres grupos do club de lectura. Si, tres. Ademais dos CL1 e o CL2 (por cursos), temos un novo grupo de lecturas sobre temática xitana, co que queremos aproximarnos ao " sundaché caló " (mundo xitano). Este grupo está dirixido pola profesora de Pedagoxía Terapéutica, Xulia Regueiro, e desenvolverase -na biblioteca- os martes a séptima hora, pola tarde. Empezamos lendo un conto titulado sobre un "Balichó"... Poñeremos a máxima ilusión para que funcione moi ben. Queda aquí un inspirador vídeo titulado "La Leonor real y otros niños reales" Tamén     #YoNoSoyTrapacero #YoNoSoyTrapacera, xa un clásico: Todas as ideas, suxestións e aportacións de calquera tipo para esta semente de grupo serán ben recibidas...

O pasado martes 8 de outubro tivemos a nosa primeira xuntanza deste curso. Viñeron os e as máis fieis do curso pasado e uníronse vairas caras novas de 1º ESO. Aínda que o tempo non deu para moito, chegamos a acordar ler neste primeiro trimestre El asesinato del profesor de matemáticas , de Jordi Sierra i Fabra  (Barcelona, 1947), un magnífico autor xuvenil, do que temos un montón de libros -en castelán e tamén en galego- á vosa disposición. E temos tamén nomeados varios axudantes para colaborar na organización das reunións. Quedamos, ademais, en que a próxima reunión teríamola o martes 28 de outubro. A ver se desta volta non se esquece ninguén... Aproveito que me poño para lembrarvos que estamos a redactar as bases do II Concurso de microrrelatos de terror, esta vez con novidade "plurilingüe"... E non vou rematar sen facer mención de que hai uns días se concedeu o Premio Nóbel de literatura a unha escritora canadense, Alice Munro  (Ontario, Canadá, 1931), especialis...

Se che gusta ler e apetéceche compartir experiencias lectoras, ven a informarte á primeira reunión que terá lugar na biblioteca: - para 1º, 2º e 3º ESO o próximo mércores 17 de outubro, no recreo. - para 4º ESO, Bacharelato e Ciclos, o próximo martes 23 de outubro, no recreo. ¡¡ Atoparemos a forma de pasalo ben, con libros de fondo!!