Un mar de contos

Este curso comezamos cunha biblioteca chea de libros novos (e algunha película tamén...) que estamos catalogando e cun equipo de profesorado renovado.  Xa imaxinamos que tedes un montón de novos libros de texto, seguramente moi interesantes. Mais... aquí temos moita variedade temática e de formato que vos poden tentar. Agardamos que haxa algún libro ou película que te seduza moito. Vén comprobalo!

Este ano estamos tendo unha sección de novidades bastante movida, polo que vos animo a que vaides fixándovos nela. Ademais de novidades  como    O último día de Terranova , de Manuel Rivas,  Fontán , de Marcos Calveiro, Cuentos crudos , de Alfredo Gómez , a novela gráfica La casa , de Paco Roca, poesía de Carlos Negro, un montón de títulos en inglés e tamén en francés e de libros de electrónica e mantemento..., temos tamén bastantes mangas novos.  Entre os mangas temos as moi demandadas series Death Note e   Another , así como varios números de Pandora Hearts e Blue exorcist .  Nisto dos mangas temos un pouco de asesoramento de Paula Grangel (recoméndovos o seu canle de youtube: Sra. Lemon ) e hai peticións dun club de lectura de mangas... De momento, intentaremos un coloquio sobre o tema.  Animádevos a ler algo do novo material!!! Seguro que atopades algo á vosa medida...

O pasado mércores 11 de novembro tivemos reunión da Comisión da Biblioteca e visitounos o Director da Biblioteca Municipal da Sagrada Familia , Enrique, que forma parte desta Comisión. E non veu coas mans baleiras... tróuxonos unha maleta cargada de libros actuais e moi atractivos así como algún que outro agasallo para incorporar á nosa biblioteca.  Temos expostos  os libros, entre eles bastantes mangas, na sección de literatura xuvenil. Estarán con nós durante un mes, tempo no que podedes levalos prestados. De feito, nada máis expoñelos sacáronnos das mans varios exemplares, especialmente os do Club de lectura:) Por suposto, seguiremos coa colaboración. Creo que a mellor forma de agradecellelo é ler algúns dos títulos expostos... para logo ir por máis. Fixádevos que no taboleiro da entrada á biblioteca está sempre colgado o Boletín de novidades e actividades da Biblioteca Municipal da Sagrada Familia  Por outra banda, lembrade que mañá mércores hai reunión do...

Benvidos, benvidas e moitos ánimos para este novo curso. De novo, continuamos a nosa andaina... Temos xa dispostos os carnés para o novo alumnado de  1º ESO e axiña farémoslles unha presentación da biblioteca e entregarémosllelos  Pouco despois realizaremos a nosa primeira reunión do club de lectura para este curso (ide cavilando... todo será escoitado). Na biblioteca engrosamos a parte das películas cunhas cantas novas, bastante relacionadas coa filosofía e a historia, aínda que tamén hai algunhas outras de simple lecer. Adquirimos: 300, Ágora, Alejandro Magno, Troya, Matrix, Diamante de sangre, Te doy mis ojos, El discurso del rey. Tamén dispoñemos de novos exemplares das revistas National Geographic e Historia (doados polo profesor Vicente).  E Para que a espera pola reunión do club non se faga longa aos bos e boas lectores, déixovos aquí un pequeno gran texto  de Julio Cortázar sobre como subir unha escaleira: tamén do máis obvio sae boa literatura...

Pois si, parece que uns Reis Magos bastante literarios  déronse unha volta   pola nosa biblioteca, posto que alí deixaron un feixe de libros moi variados. Están expostos no andel novidades: hai algúns  moi comerciais como  os Diarios de Greg , J uegos del hambre ,   Amanece r ,  L os pilares de la tierra ... Dispoñemos dun bo lote de banda deseñada, desde mangas xaponeses ou os Simpson, , ata novelas gráficas como Maus , Paracuellos , Ardalén ....; tamén se amosan novelas policíacas (de Andrea Camilleri , co seu pouco ortodoxo comisario Montalbano , do madrileño  Lorenzo Silva ...), de amor (de Federico Moccia , Kathérine Pancol ...), filosóficas (de Teresa Moure ) ... e moitos máis.  Pasade a velos pola biblioteca.  Por certo, na próxima semana, o mércores 16, faremos unha reunión do Club de lectura 1 para ir propoñendo libro para a 2ª avaliación. En canto ao Club de lectura 2 xa temos decidido dedicarnos á banda deseñada n...