Un mar de contos

Hoxe estivo entre nós a escritora Antía Yáñez falando de dous dos seus libros, O misterio de Portomarín   e Senlleiras . De como foi o encontro relátannos dous participantes.  Alba Vázquez Botana  (1º Bach) fai de magnífica cronista da primeira charla, cos maiores: 

Este pasado martes 20 de novembro estivo con nós o escritor Carlos Negro , recitando poesía dos seus libros  Penúltimas tendencias e  Makinaria .  Resultou moi pracenteiro gozar deste encontro ameno, entrañable e divertido, no que o poeta amosou a súa destreza para manexar todo tipo de públicos  e no que sorprendeu e descubríu novas formas de vivenciar a poesía a máis de un e de unha. Por outra banda, este encontro foi o punto culminante  deste primeiro trimestre para  o Club de lectura de igualdade (CL3), no que nos detivemos polo miúdo no s mencionados libros, que nos axudaron a reflexionar  sobre a forma de rachar  con estereotipos de xénero de cara á construción dunha sociedade máis igualitaria. Quedan aquí fotos e un vídeo cun acelerado recitado a modo de gratas lembranzas ;) Laura e Carmen realizaron a presentación de Carlos Negro Carlos Negro recibiu a finais do curso pasado o premio dos Clubs de...

Grazas á organización do Departamento de Lingua e Literatura galega, onte martes 8 de maio tivemos a sorte de contar coa presenza do escritor Héctor Cajaraville , un xornalista convertido en escritor, tal e como el mesmo nos contou. E ademais, un escritor bastante prolífico nos últimos tempos.

Onte martes 14 de novembro tivemos a sorte de poder gozar coa presenza de Antía Yáñez e poder charlar con ela sobre O misterio de Portomarín , que leran practicamente todos e todas as participantes.  Se cadra por iso cando, despois dunha breve exposición, chegou o momento das preguntas todo eran mans que pedían palabras.  O misterio de Portomarín  é a primeira novela da xove autora. Xa quedamos á espera dos seus seguintes traballos.   Grazas ao Departamento de galego,  ao alumnado participante, e, sobre todo, por suposto, a Antía Yáñez )

O pasado mércores 3 febreiro gozamos duns entrañables momentos con Antón Riveiro Coello , nos que realizou un simpático percorrido por algunhas das súas andanzas autobiográficas, desde o seu nacemento como un neno enorme, en Xinzo da Limia, pasando por unha infancia chea de motes, unha adolescencia e xuventude moi musical, formando parte de Sacho , un grupo de rock duro; logo os comezos como escritor de relatos, os tempos de peregrinaxes en busca -e obtención- de premios literarios por toda a península; a época de pai, e xa de escritor case nunca a xornada completa, pero xa con editorial fixa -Galaxia- e con certo recoñecemento. Quixo amosársenos como "unha persoa normal", lonxe do aura do "escritor". Non obstante, revelounos que para ser escritor hai que "ter ollada", ademais de traballar moito.  Antón houbo de responder a varias e variadas preguntas que contribuíron a enriquecer a súa charla, desvelándonos pormenores do personaxe do Lambeconas en As r...

El pasado jueves 17 de diciembre Jordi Sierra i Fabra nos deleitó en el Centro Ágora con una charla muy amena sobre su trayectoria literaria.  Durante el encuentro, nuestros alumnos pudieron preguntar al autor sobre diferentes aspectos de su obra.  Os dejó imágenes de ese día literario El Centro Ágora completamente lleno Cerca de una hora estuvo el autor firmando libros Nuestro alumnos del Club de lectura en la biblioteca del Ágora

Pásannos do IES de Elviña un magnífico vídeo que reproduce a nosa visita ao seu centro para gozar do divertido recital de María Lado e Lucía Aldao : Unha estupenda lembranza. Grazas polo vídeo, colegas do IES de Elviña!!!

O pasado xoves 26 vivimos unha grata experiencia poética -e humorística- da man das poetas María Lado e Lucía Aldao .  Foi no IES de Elviña , onde xa imos sendo "antigos" coñecidos grazas a que a coordinadora do sue club de lectura, Puri, sempre se lembra de nós. Alí, estas poetas combinaron seriedade e intensidade literaria cun fino humor moi didáctico e ameno. Aprendimos a colocar o pronome átono en galego mentres escoitabamos cantar o coñecido tema de Rocío Jurado "Te amo" (mellor dito, Ámote), compuxemos conxuntamente un poema dadaísta bastante simpático, cantamos un pouquiniño coa axuda dun "karaoke analóxico", agasalláronnos cun poema para pedir perdón, co maduro título de "Cuqui" e soltamos unhas cantas gargalladas analizando sentenzas urbanas en forma de grafitis máis ou menos elaborados, como "Alex estubo (sic) aquí", "Clemente drogadito (sic)", "Aquí te puse los cuernos" e mesmo máis ideolóxicos ...

Finalmente, este pasado mércores 12 estivo con nós Francisco Castro charlando con nós de forma emotiva e intensa.  Fran desvelounos un pouco do oficio de escribir (de como constrúe historias, personaxes...), dos inefables mecanismos da imaxinación; amosounos a súa paixón pola escritura, e en xeral a súa paixón e optimismo como actitude vital. Tivo que responder a un montón de preguntas e, se non fose porque o tempo non deu para máis, alí teriamos continuado un bo anaco máis.  Na biblioteca hai varios libros seus, ademais de  Chamádeme Simbad ...  así que podedes animarvos a coñecelo un pouco máis!! Aquí quedan unhas poucas das fotos que nos sacou Carmen Delgado. E o xoves, ao día seguinte,  seguimos coas reunións do CL2:  con El pozo y el péndulo , de E. A. Poe, do que limos con Francisca varios anacos, e co que continuaremos no último xoves de mes... A próxima semana toca de novo Jules Verne.

O próximo mércores, 12 de novembro recibiremos a visita do escritor e editor Francisco Castro (Vigo, 1966-). Vai estar con nós para falarnos sobre todo de Chamádeme Simbad , un libro que moitos de vós estades a ler.  Con el, espero que nos mergullemos en mundos diversos: desde os puramente aventureiros, como Simbad ou Verne, ata problemáticas como o alzhéimer , a vellez e as relacións interxeracionais, pasando por... En fin, xa o contaremos.  Francisco Castro ten tras de si unha gran produción literaria, dirixida algunha a público xuvenil, outra a infantil e tamén a adultos. Unha gran variedade froito dun laborioso saber facer que se gana a pulso libro a libro e traballo a traballo. Algúns títulos para lembrar son: O corazón da Branca de neve, Un bosque cheo de faias, O ceo dos afogados, Spam, As palabras da néboa, In vino veritas, O segredo de Marco Polo  etc. Por outra banda, as nosas lecturas nos Clubes avanzan. No CL2 (entendémonos, non si?) van a pasar a ...

O pasado xoves 15 de maio, o noso Club de lectura trasladouse ao IES de Elviña para escoitar e charlar con Pedro Feijoo. Estaban tamén rapaces do Club de lectura do IES Parga Pondal de Carballo, e os de Elviña, por suposto. Houbo un bo feixe de preguntas, do máis variado. Mentres respondía, Feijoo foi contándonos como é o seu labor de documentación, a súa forma de escribir, amosounos os cadernos que emprega para escribir (primeiro sempre a man... con letra de médico)... e aguilloounos para que busquemos todas as historias que temos a un tiro de pedra e que quedan por contar.