21 mar. 2013

Encontro con Alfredo Gómez Cerdá

Como estaba anunciado, o pasado luns 18 de marzo, estivo con nós o escritor madrileño Alfredo Gómez Cerdá.Charlamos con el sobre os seus libros, acerca de como un escritor inventa personaxes e situaicóns, da base biográfica de aspectos dalgunhas das súas novelas, etc. Varios rapaces e rapazas regaláronlle a lectura de breves escritos propios.
Lembrade que na biblio temos a disposición bastantes dos seus libros: Eskoria, La casa de verano, Sin máscara, Soles negros, Las siete muertes del gato...


E cambiando de tema, en breve anunciaremos os gañadores de "Coñécesnos?", o concurso de búsqueda de nomes para rostros de mulleres.

Posted by Picasa

14 mar. 2013

Nicaragua e SI





Aínda que non se corresponde co Club de lectura, vou deixar aquí unhas fotos do encontro que mantiveron os rapaces e rapazas de 4º ESO con Yelda, Paola e Juan do barrio de Acahualinca, de Managua (Nicaragua) o pasado martes, 12 de marzo. Nel, contáronos como é a vida nun barrio que vive ao lado dun vertedoiro de lixo, e onde os nenos e nenas son maioritariamente traballadores desde moi temprana idade. Yelda fixo moito fincapé na importancia da educación nun lugar no que é difícil acceder a ela (traballar de mañá, ir a clases masificadas e sen recursos polas tardes...), e tamén do día a día difícil pola carencia de sustento económico.
Estas mozas e mozos viñeron de Nicaragua para participar en reunións como a que tivemos nós nun montón de IES de Galicia e compartir as súas experiencias no marco dun proxecto de cooperación coa ONG Solidaridade Internacional

Cambiando de tema, e agora si xa dentro do relativo ao Club de lectura, aproveito para lembrar que este luns, 18 de marzo, ás 10:30 visitará o noso Centro, Alfredo Gómez Cerdá. Se queredes ir abrindo apetito, podedes ler algunhas das entradas do seu blog (a min gustoume unha sobre as musarañas) ou algún dos numerosos libros seus que temos na biblioteca.

10 mar. 2013

Imaxes de muller

Con algo de retraso, como ultimamente nos acontece, tratamos hoxe un pouco sobre o día da muller que se acaba de celebrar o venres 8 de marzo. 
Non sei se sabedes que o 8M se celebra para lembrar as "eternas" malas condicións do traballo das mulleres (tanto o remunerado como o que non o é). Na actualidade falamos máis ben do día da muller, a secas. Non é só cuestión de traballo (que tamén, e moi importante), senón en xeral da situación das mulleres en case todos o planos.
Moito habería que falar sobre este día, ou mellor dito, de por que existe semellante conmemoración nunha sociedade, a nosa, que presume de igualitaria. Mais, como a pouco que reflexionemos [e Forges soe axudar], todas e todos sabemos, que a equidade entre as persoas por razón do seu sexo ou  xénero, aínda que avanzou moito [recoméndovos un artigo no que se fala de cando "ler era cousa de homes"], está moi lonxe de ser conseguida. A loita pola igualdade segue  a ser revolucionaria e signo de rebeldía. 

Moito é o que cadaquén pode aportar na construción  dunha sociedade máis xusta, en especial no día día. Non obstante, nós, desde a biblioteca, propoñémovos dedicar un pouco de tempo a investigar sobre mulleres de diferentes épocas, lugar e profesións... Quen logre poñérlle nome a máis imaxes (das expostas nos taboleiros) recibirá premio, por suposto. 




9 mar. 2013

Premios corazón

Con disculpas polo retraso, quedan aquí algunhas das fotos da entrega de premios ás mellores mensaxes en "corazón breve". 
Desta volta, os premios estiveron moi repartidos, e as categorías foron establecidas en función das propias mensaxes. Houbo premios para: 

- a mensaxes máis entrañable: Ana Cedrón, de 1º ESO A
- a mellor mensaxe para profes: Andrés Conde, de 1º Bac
- la meilleure mensaxe: Andrea Barros, de 4º ESO A
- a mensaxe máis literaria: Alberto Castiñeira, de PCPI
- a melhor mensaxe: Erea Ramos e Sabela Mosteiro, de 1º Bac
- a mensaxe máis graciosa: Junquera López e Antía Fuentes, de 4º ESO B
-  a mensaxe con mellor rima: Beatriz Pinheiro, de 2º ESO B
- a mensaxe máis poética: anónima.






De novo, moitas grazas pola entusiasta participación... que esperamos continúe na seguinte actividade.