Festa intercentros do xadrez e do debate

Este pasado mércores celebramos o segundo encontro co IES Isidro PargaPondal de Carballo e o primeiro co IES Fernando Wirtz no noso centro para celebrar unha festa do xadrez, e engadimos tamén á celebración, o debate.

Ás 9:30, comezamos cunha charla impartida polo MI (Mestre Internacional) Jacobo Caselas Cabanas, quen nos sorprendeu falándonos e amosándonos unha montaxe de vídeos sobre as mulleres no mundo do xadrez. Con el, veu Moira Rodríguez Costa, unha das mellores xogadoras galegas, e tamén se dirixiu a nós para contarnos un pouco sobre as súas experiencias como xadrecista muller.

Como o pasado curso, as partidas simultáneas causaron expectación e admiración. Ver a Jacobo Caselas enfrontándose, con toda a calma e serenidade que lle caracterizan, a un veintena de mozos e mozas, é todo un espectáculo.

Logo dun picoteo na Biblioteca, máis emocións e espectáculos.

Por unha banda, cerca do mediodía tivo lugar a final entre os tres equipos nunha miniliga por equipos (cada un formado polos catro mellores xogadores de cada centro). O noso resultou ganador!!!

Noraboa ao equipo formado por Xabier, Édison, Ariel e Roque! E tamén aos equipos dos outros centros, por suposto! Polo seu esforzo e tamén polo xogo limpo e boas formas.

Simultaneamente, no Salón de Actos, tivemos  “O Gran Debate”, de novo sobre a discriminación positiva (o mesmo tema que no debate interno entre 4ºESO e 2º ESO A reseñado no blog de filolugrisofia).

Foi admirable ver aos rapaces e rapazas debater con tanta profundidade e saber-facer. Poidemos apreciar a preparación previa, tanto no contido como nas formas. O público mantívose atento en todo momento e poido observar como se coordinaban en cada equipo, como manexaban tempos e espazos amosando as súas boas capacidades oratorias e argumentativas. Todo isto, mantendo sempre o respecto, por moito que todos xogaran a gañar con todo o seu empeño. O resultado foi empate.

Noraboa, pois, tamén, para os participantes, sobre todo!, tamén para quen fixo de xurado (especialmente Brais e Rocío), e as preparadoras e o público…

 

O broche púxoo a entrega de premios. Tedes dous álbums de fotos no facebook de Biblio Lugrís: un de xadrez e outro de debate. E tamén tedes moitas no blog filolandra do IES Parga Pondal.