Persoas gañadoras do Concurso do día das mulleres

No Concurso de letras-pistas do Día das mulleres resultaron gañadores: 
  •  Gabriel Alonso Rodríguez, 2º ARI
  •  Rocío Gómez Llanos, 2º Bach
  •  Daniel Irigoyen Mallo, 1º ARI
  •  Pedro Reimúndez Martínez, 4º ESO
  •  José Manuel Sanlés Vázquez, de 1º ARI
Todos eles concursaron no nivel 2.  NORABOA!!!

O nivel 1 quedou deserto. 


Entre estes rapaces sortearemos o premio o próximo xoves 22 no recreo, na Biblioteca

Moitas grazas pola vosa participación!!!

Por certo, as solucións son as seguintes: 


Nivel 1: Victoria Moreno, homenaxeada este ano no Días das Letras Galegas

  1. Primeira letra do nome dunha muller que foi deputada na II República española: Victoria Kent
  2. Penúltima letra do apelido dunha muller que participou no descubrimento do ADN: Rosalind Franklin
  3. Inicial do nome dunha muller ferrolá que escribíu “La mujer del porvenir”: Concepción Arenal
  4. Inicial do apelido da primeira muller en viaxar ao espazo: Valentina Tereshkova
  5. Última letra do primeiro apelido da escritora coruñesa que redactou “La Tribuna”: Emilia Pardo Bazán
  6. Terceira letra do apelido da primeira muller que deu a volta ao mundo: Jeanne Baret
  7. Penúltima letra do nome da escritora de “Cantares gallegos”: Rosalía de Castro
  8. Inicial do nome da muller que se considera como primeira programadora de ordenadores (traballou sobre unha máquina analítica): Ada Lovecraft ou Ada Byron
  9. Inicial do nome da autora do libro así etiquetado na nosa biblioteca: Andrea Maceiras
  10. Segunda letra do apelido da autora do libro así etiquetado na nosa biblioteca : Ledicia Costas
  11. Cuarta letra do nome da primeira muller na historia en ascender os catorce “oitomiles”: Edurne Pasabán
  12. Última  letra do apelido dunha muller que foi dúas veces premio Nóbel de Química: Marie Curie
  13. Sexta letra do apelido dunha muller membro da Real Academia Galega e da que podes atopar libros na nosa biblioteca: Marilar Aleixandre
  14. Última letra do apelido dunha escritora á que homenaxea este ano Real Academia Galega: Victoria Moreno



Nivel 2: A muller do porvir, de Concepción Arenal

1. Última letra do nome da principal filósofa e científica da Antigüidade: Hipatia de Alexandría
2. Primeira letra do nome e do apelido dunha das principais pintoras galegas: Maruja Mallo
3. Cuarta letra do apelido dunha escultora nacida en 1864: Camille Claudel
4. Segunda letra do nome da autora deste lombiño dun libro da nosa biblioteca (860-1 / FUE / muj): Gloria Fuertes
5. Última letra do apelido dunha das máis coñecidas primatólogas: Jane Goodall
6. Cuarta letra do apelido da primeira muller en chegar ao Polo Sur: Liv Arnesen
7. Terceira letra do apelido da primeira muller recoñecida oficialmente como científica. Foi unha astrónoma alemá: Caroline Herschel
8. Cuarta letra do nome dunha pintora mexicana: Frida Kahlo
9. Cuarta letra do nome da escritora de “Le deuxième sexe”: Simone de Beauvoir
10. Inicial do apelido da que se considera primeira escritora profesional da historia: Cristina de Pizán
11. Quinta letra do apelido da muller grazas á cal podemos votar as mulleres en España: Clara Campoamor
12. Última letra do apelido da primeira muller en correr nun maratón: Kathrine Switzer
13. Inicial do nome da escritora de “A Room of One's Own”: Virxinia Woolf
14. Segunda letra do nome da principal filósofa medieval: Hildegarda de Bingen
15. Segunda letra do apelido da primeira muller española en asistir (vestida de home) a unha universidade española: Concepción Arenal




Comentarios

Entradas populares de este blog

CRISTINA GARCÍA RODERO, fotógrafa de la memoria, la emoción y la identidad

Microrrelatos de terror... con algo de conto galego