No Correlingua 2019: "O galego é a fórmula"


Este pasado venres, día 3 de maio*, participamos no Correlingua 2019 que se organizou na nosa cidade.


O Correlingua é un acto festivo é reivindicativo do uso e normalización do galego en todos os ámbitos. Esta é a 19 edición é levou por título “ O Galego é a Fórmula”. Quíxose destacar nesta edición a necesidade da revitalización e papel prioritario que hai que darlle ao Galego no eido científico e tecnolóxico.






 A pancarta que levamos este ano foi elaborada por tres alumnas de 1º de ESO coa supervisión do Profesor de Plástica, Quico Mato López, aos cales querémoslles agradecer a súa colaboración.
Ana Belén Ambroa e Quico Mato co cartel
Este ano acompañando ao alumnado de 2º de ESO fomos dous profesores, Ana Belén Ambroa  e Roberto Varela, que formamos parte do EDLG.

Na Coruña houbo máis de 30 Institutos participantes e preto de 3000 alumnos/as. No total de Galiza participaron 18.000 estudantes de 20 colexios e institutos. O percorrido partiu do Pazo dos deportes de Riazor ás 11 da mañá, e rematou na Torre de Hércules onde se celebrou unha pequena festa amenizada por Monoulios DOP.

O concurso de pancartas, unha vez máis, gañouno o IES de Cerceda. Acompañaron a pancarta con cancións orixinais en galego con percusión e amplificación. Unha fermosura ver e acompañar a este grupo.

O noso alumnado, como sempre, desfrutou da saída, e comportouse, tanto no bus como no percorrido, de maneira exemplar. Foi un pracer acompañalos/as.




Viva a festa do Correlingua!!!


* Relatado polo Coordinador do Equipo de Dinamización Lingüística, Roberto Varela Urrutia. 

Comentarios

Entradas populares de este blog

CRISTINA GARCÍA RODERO, fotógrafa de la memoria, la emoción y la identidad

Microrrelatos de terror... con algo de conto galego