A nosa particular homenaxe a ROSALÍA



No acto de inauguración 


Hoxe luns celebramos o día de Rosalía -cun día de retraso- coas nosas mellores galas e da mellor maneira que se nos ocorreu, xuntándonos unha gran parte do alumnado e profesorado para lembrala. 

A nosa homenaxe consistíu, fundamentalmente, en outorgarlle o primeiro lugar do proxecto de AULAS EN FEMININO, que bota a andar hoxe con ela. Con este proxecto, promovido polo Equipo de Dinamización Lingüística en colaboración coa Biblioteca, pretendemos que cada aula do centro homenaxee e dea a coñecer a algunha destacable muller galega. Case todas as aulas de Ensino Medio teñen xa escollido polo alumnado correspondente o seu nome. 


O noso Salón de Actos leva xa por nome oficial o desta grande muller galega a partir de hoxe mesmo. Continuaremos coa inauguración de aulas na semana do 11 de marzo, para seguir celebrando ao noso xeito o Día das mulleres que converteremos en Semana das mulleres galegas. 


Na nosa celebración  tamén limos poemas, volvimos ver -non nos cansamos de facelo- a "Adiós ríos en 12 idiomas", escoitamos versións musicadas de poemas rosalianos. E rematamos o acto convertíndonos en entrevistadores. 

O noso reto era conseguir 24 boas preguntas a Rosalía, por aquilo de lembrar que naceu un día vintecatro, pero -non sabemos cómo- saíronnos 25... Se cadra para congraciarnos co de celebralo o día posterior ;). O Equipo de Dinamización Lingüística poñerase na pel de Rosalía para dar cumprida resposta a todas as preguntas na revista que publicará a fin de curso. 

Neste enlace, tedes máis fotos e vídeos do Día de Rosalía







Moitas grazas pola vosa participación!




Comentarios

Entradas populares de este blog

CRISTINA GARCÍA RODERO, fotógrafa de la memoria, la emoción y la identidad

Microrrelatos de terror... con algo de conto galego