Últimas reunións dos Clubs de Lectura en novembro
Os últimos días de novembro tivemos as seguintes reunións dos Clubs de Lectura:
O xoves 19 celebramos a primeira reunión do Reading Club de 1º de ESO. Os alumnos/as leron poemas de Shel Silverstein e comentámolos coa imprescindible axuda da nosa auxiliar de lingua inglesa, Rachel Haring.
Respectamos coma sempre as restricións en canto ao aforo e seguimos debidamente as novas normas motivadas polo covid-19: uso de mascarillas e xel hidroalcólico, desinfección dos postos de cada quen e distanciamento, utilizando só os sitios habilitados na biblioteca .
Con motivo do falecemento , o pasado 30 de setembro, de Quino, o autor das tiras cómicas de Mafalda, adicamos a sesión a dar a coñecer o seu traballo aos nosos alumnos/as. De feito, a maioría non coñecían os principais personaxes nin leran nunca un cómic de Mafalda.
Puidemos amosarlles algúns exemplares de libros de Mafalda que temos na biblioteca e que poden levar de préstamo.
O luns 30, rematando o mes, tivemos a reunión do Club de Lectura en castelán de 3º de ESO.
O obxecto da reunión foi o mesmo, Mafalda. Curiosamente, tampouco o alumnado de 3º coñecía os temas nin os personaxes que aparecen nos cómics de Mafalda, polo que foi todo un descubrimento para eles e elas.
Comentarios
Publicar un comentario